29!

O pasado 22 maio, a historia deste marabilloso deporte trocou. A nosa selección, participaba nunha das múltiples exhibicións que celebra diante da Casa do Concello de Sigüeiro, cando de forma inesperada os nosos chalupeiros pulverizaban o record de polyesters. A nova marca é de 29. Este momento pasará á historia da Taçirma do 8, do deporte mundial e quizais do planeta. Disfruten do vídeo, porque é POESÍA.

Debido á negociación dos dereitos televisivos, este vídeo non puido ser difundido ata agora; máis dun mes despois de ser filmado. A empresa Peri TV Company decidíu rachar co contrato en vigor e poder ensinar aos fans da T8 a mellor xogada de tódolos tempos. Antena 3, pretendía espremer ata o derradeiro céntimo de euro coa divulgación da Liga, pero a xa nombrada canle con sede na Barziela, logrou evitalo.

-Onde ver o que aconteza en Bilbo?

A tan só dous días do evento internacional do ano, a retrasmisión do mesmo está no aire. Nas últimas horas representantes da Liga Nacional de Taçirma do 8, da televisión pública galega (TVG) e vasca (ETB), así coma de Antena 3, véñense reunindo para solucionar os problemas. A única canle autorizada fica na internet, Peri TV Company retransmitirá en diferido o que aconteza ás portas do Guggenheim. O directo non se descarta que se ceda ao pago por visión (PPV), algo totalmente en contra aos valores da LNT8.

T8 en Bilbo

A Liga

desembarca en Bilbo ante o delirio vasco

Entre venres e sábado chegarán a Bilbo os chalupeiros da Selección Galega para a exhibición do día 27 diante do Guggenheim ás 12.30 horas (hora local). O primeiro en aterrar en Euskadi será Xanma, o galaicoarxentino adiantou a súa viaxe por motivos publicitarios da Liga, e é que o chalupeiro visitará diversos centros para achegarse aos fans vascos. O resto da expedición partirá cara a terra de Borja Pérez (quen hoxe declarou ao Diario Gara sentirse entusiasmado pola visita da LNT8 a súa cidade), o sábado a primeiras horas da mañá.

As forzas de seguridade locais admiten sentirse con medo, e non é para menos xa que se agardan milleiros de persoas debido a gratuidade da entrada para asistir ao evento.

Con este open, abrirase a tempada de verán de Taçirma do 8. A xira non está pechada, pero as estrelas deste deporte estarán nas cidades galegas máis importantes durante os vindeiros meses.

Pita cae enfermo

A Gripe A renace en Pita

Seguramente ninguén se lembra da famosa Gripe A, cando todos pensabamos que esta "letal" enfermididade estaba totalmente extinguida... ZASCA! o noso mellor arrancador (realizador de arrancadeiras ou saques) contrae dita gripe. As alertas saltaron dentro da Liga Nacional de Taçirma do 8, cando os directivos puxeronse en contacto co chalupeiro de Narón, esta mesma tarde por vía telefónica "estou enfermo ooooooooh" e engadíu "eu penso que é unha gripe normal, pero no blog podedes poñer que é Gripe A, xa que vende moito máis". Nestos intres, Pita é seria dúbida para a exhibición de Taçirma que a Selección Galega realiza na Praza do Concello de Sigüeiro cada venres. A LNT8 non manexa unha posible ausencia de Alessandro en Bilbo.

FORZA BEJIA!

Recupérate pronto. Agardámoste!

Participa e gaña unha chalupa autografiada

A Liga Nacional de Taçirma do 8, sortea unha chalupa asinada polas estrelas deste estupendo deporte. Envía unha mensaxe coa palabra TAÇIRMA ao 690332683 (número das oficinas da LNT8). Todas as mensaxes recibidas entrarán no sorteo do día 15-06-2010. A terminal é Movistar (única beneficiada), polo que as mensaxes teñen o mesmo custo cunha sms enviada a un número desta compañía. Se tes algún tipo de promoción, non deixes escapar a ocasión. Sen notario, pero coa fiabilidade da Liga.

Open D´Dura

A Selección Galega de Taçirma do 8 nunha exhibición no concello de Compostela. Clica no "Play" para ver un resumo do Aberto D´Dura.

Será baixa

Bejia non estará en Bilbo

Os problemas que arrastra no seu xeonllo esquerdo non lle permitirán viaxar ata Euskadi na exhibición de Taçirma do 8, que a LNT8 dará o día 27 de xullo diante do Guggenheim. O seleccionador acordou con Rubén Bejia e a familia do chalupeiro, que o mellor para as dúas partes era que descansara e non se perdera toda a tempada de verán. O propio xogador declarou para este medio "é un pau moi grande... estou moi triste, pero aínda son moi novo e espero ter outros abertos internacionais" ao que engadíu "xa estou traballando para recuperarme o antes posible, non vou deixar de xogar estos días, porque así llo dixen ao míster". Aínda non coñece a data da recuperación completa: "non sei cando estarei ao 100%... na semana que o equipo viaxe a Bilbo, eu traballarei a topísimo en solitario". A LNT8 agarda preocupada a recuperación dunha das súas superestrelas.